27th July, 2018
सुकीर्ति पराजुली, कक्षा : ८
विश्वकै बौद्ध धर्मावलम्बीहरुको पावन तीर्थस्थल तथा भगवान् बुद्धको जन्मस्थल लुम्बिनी जाने धोको त यसबारे अलिअलि देखे, सुने र पढेदेखि नै मनमा पलाएको थियो । वर्तमान नेपालको प्रदेश नं. ५ मा पर्ने रुपन्देही जिल्लामा पर्ने लुम्बिनी मेरोमात्र नभई लगभग सबैजसो नेपाली र धेरै विदेशीको पनि पहिलो रोजाइमा पर्ने गरेको छ । लुम्बिनी बौद्ध धर्म मान्नेहरुका लागि त पवित्र तीर्थस्थल नै भइहाल्यो । विश्व सम्पदा सूचीमा परेको यो पवित्र स्थलले बौद्ध धर्मावलम्बीहरुको मात्र नभई संसारभरका हरेक मानिसलाई प्रत्येक दिन हृदयैदेखि स्वागत गरिरहेको छ ।
केही अघि मैले सो पवित्र भूमिको यात्रा गर्ने मौका पाएँ । दादा, दिदीसित त्यहाँ जान पाउँदा खुसीले मन त्यसैत्यसै उडिरहेको थियो । लुम्बिनी पुग्न झन्डै ८/९ घन्टाको लामो बस यात्रा गर्नुपर्दो रहेछ । बाटामा दायाँबायाँ देखिने बस्ती, नदीनाला र वन जंगलको रमणीय दृश्य देख्दा मन त्यसै रमायो ।
लुम्बिनीको मुटु नै रहेछ मायादेवी मन्दिर । विश्व सम्पदा सूचीमा परेको लुम्बिनीको मुख्य भाग नै यही रहेछ । मन्दिरभित्र प्राचीन मन्दिरको भग्नावशेषलाई संरक्षण गरेर जोगाइएको रहेछ । मन्दिरको छेवैमा पवित्र पुष्करिणी, बोधी वृक्ष र अशोक स्तम्भ रहेछन् । ती सबैले लुम्बिनीको पवित्रता र प्राचीनताबारे धेरै प्रमाण बोलिरहेको जस्तो लाग्यो ।
मायादेवी मन्दिरबाट बाहिरिएपछि हामी कहिल्यै ननिभ्ने अखण्ड शान्तिदीप हेर्न पुग्यौँ । शान्तिदीपनजिकै नहर पनि बनाइएको रहेछ । त्यहाँ हामीले मोटर बोटको यात्रा पनि गर्ने अवसर पायौँ । लुम्बिनीमा विभिन्न देशले आआफ्नो संस्कृति तथा देशको राष्ट्रिय विशेषता झल्किने गरी निकै सुन्दर र मनमोहक गुम्बाहरु निर्माण गरेका रहेछन् । यहाँ भारत, म्यानमार, चीन, थाइल्यान्ड, जापान, जर्मनी, दक्षिण कोरिया, भियतनाम जस्ता विभिन्न देशले आआफ्ना शैलीमा गुम्बा बनाएका रहेछन् । यी गुम्बा जुन हे¥यो, त्यही राम्रो जस्तो लाग्दो रहेछ ।
लुम्बिनी घुम्ने क्रममा केही विदेशी पर्यटकसित गफिने पनि मौका जु¥यो । उनीहरु पनि लुम्बिनी घुम्न आउन पाउँदा जीवन नै सार्थक भएको बताइरहेका थिए । तराई मधेसमा पर्ने लुम्बिनीमा गर्मी नै हुने भए पनि भगवान् बुद्धको जन्मस्थल पुग्दाको खुसी र त्यहाँको हरियालीले गर्दा पनि त्यति गर्मीको महसुस भइरहेको थिएन । विदेशी पर्यटकको पनि यस्तै बुझाइ थियो ।
लुम्बिनी घुमेर बुद्ध, बौद्ध धर्म र लुम्बिनीबारे धेरै जान्ने मौका पाएँ । जति सिक्ने मौका पाइयो, त्योभन्दा निकै धेरै रमाइलो पनि गरियो । समग्रमा बुद्ध जन्मस्थल लुम्बिनी पुग्दा एउटा ठूलो सपना पूरा भएको महसुस भयो ।
MOKSHADA SCHOOL has opened admission for grade Play Group (PG) to grade 9.
2nd April, 2024
Why MOKSHADA SCHOOL is different from other schools?
Mokshada School
2nd April, 2024
Mokshada Nagar, Kumarigal, Kathmandu, Nepal
Tel : 01 - 4114318/01 - 4114274 (School)
Email : schoolmokshada@gmail.com
28th June, 2021
भन्छन् भगवान् माटो, ढुङ्गा, मूर्ति, म खोज्न जाऊँ केमा, म देख्छु भगवान् तिम्रो शरीर मनमा, तिमी मेरी प्यारी आमा ।
28th June, 2021
So many times I hurt you, With cruel words I'd say, You know I didn't mean them, And you love me anyway.
© Copyright 2024 Mokshada School All Rights Reserved
Developed & maintained by AppBasis